Andam Anak Singgai Dalam Pengingat Belama ya

Lama amai blog tu enda di update. Kelalu mayuh utai ti nyadi meri blog tu enda di update. Semua tu bepun ari...


Kena 16 Oktober 2010, pun ruang bilik tu ti ngujungka blog Andam Families digaga udah ngejangka dunya injau tu, ninggalka bala anak, uchu ambu, ichit wit ti dikesayauka iya lalu begulai enggau niang bini iya Biti anak Penghulu Janting ba dunya Apai ti bendar.
Pengelenyau niang endang chukup ngenyit laban niang nadai tentu sakit di peda mata. Semina seminggu niang dipasukka ba sepital bepun ari sakit renga enggau angat di diasaika iya. Nya alai bala telesak iya nadai nyangka niang deka ninggalka dunya injau tu.
Taja bakanya, Tuhan ti bekuasa nyangka udah meda pengelelak enggau pengasai ti bisi ba tubuh niang dia Tuhan udah ngangau ka iya belelak. Laban Tuhan nemu semua pengawa niang di dunya tu udah ditembuka lalu udah mujur ngempung ruang bilik iya dataika dikelala orang.
Mayuh jaku kenang tau dilansa ngagai aki apai ti dikesayauka bala anak menantu, aki ti dikesayauka bala uchu ambu ichit wit, tang awakka semuanya becherita dalam ati kitai ti tinggal ba dunya tu. Semina sampi aja ulih diberi kitai ngagai Tuhan ti bekuasa awakka terus merekatka semengat niang Andam Anak Singgai.
Ngagai semua tulung baik ari segi ngabas, nyengai, ngetas ulit, duit ringgit, jaku peransang tauka sampi, semua nya endang amat beguna ngagai ruang bilik tu. Arapka Tuhan malas budi kita ti nulung ngelempungka ma berat ba kami sebilik. Amen.
AKI... PENYAYAU KAMI NGAGAI NUAN MENGKANG BELAMA, PENGINGAT ENDA MUDAH LUYA TAJA TIMPUH BELIDAR... KAMI SEMAMPAI LELENGAUKA NUAN.

Andam Families Meri Penyinu Ati Ngagai Galang Families

Ngarika Andam Families, ngenataika penyinu ati ngagai sida Apai Anna Sebilik (Henry Mamut anak Galang) ti udah ditinggang penusah ketegal madi tuai iya ti dikesayau iyanya Impin anak Galang 80 taun (Born on 1/1/1930) udah ngejangka menua tu lalu diau enggau Tuhan kena 13/10/2010 ba Hospital Sibu.

Arapka semua sida sebilik kelebih agi sida Susan Impin menyadi kering dalam ngadap penguji tu. Andam Families sebilik semampai enggau kita dalam maya penusah tu.
Taja niang udah niki ke langit, penyiru, penyinu sereta pementas enggau pemanah basa niang maya idup enda mudah lela ari pengingat kami sebilik.

Petara sigi ngibun iya lalu ngintu iya ba pengidup ti baru din. Besampi ngagai Petara ti bemulia awakka semengat niang begulai enggau iya ti serega. Amen.

Get well Soon

Almighty and eternal God, you are the everlasting health of those who believe in you. Hear us for your sick servant Mr. Andam Singgai for whom we implore the aid of your tender mercy, that being restored to bodily health, he may give thanks to you in your church. Through Christ our Lord.

Arapka Mujur Dalam Peresa PMR 2010

Taun tu tiga iku telesak Andam ngambi peresa PMR. Darren Dennis a.k.a Sengkuai (Kalong), Joan Michelle anak Tinggom a.k.a Chell enggau Racheal Ayong a.k.a Achell ngambi peresa nya. Sampi semua sida telesak Andam ngiring pejalai kita tiga. Arapka semua utai ti diajar bala pengajar, pekara ti dibacha ulih mantu kita tiga dalam peresa nya.

Anang enda besampi sereta penuh pengandal ngagai diri empu. Kami pechaya semua kita ulih ngaga semua utai nya enggau naka pemanah.

Ingat sempama tu... Setibang pan batu lua kenyalang, enti enda diansingka nyerang, enda meh tetumbangka tiang jangka lelabi, sepemansai pan batu chanai enti enda diansingkan bumai enda meh bulih padi....

Selamat Menduduki Peperiksaan UPSR 2010

Semua Andam Families besampi ngagai petara awakka bala telesak Andam Families mujur dalam peresa UPSR ti deka diadap sida ari 21 September ngagai 23 September 2010. Bala ti ngambi peresa nya iyanya Joanna Ayong, Ceaser Andam Tony, Samuel Spencer Sulau Tinggom, Mohd Ridzuan Shahrizat Hamka enggau Felicia Siti Denis. Awakka sida semampai penuh pengandal dalam ngadap peresa nya laban sampi sereta iring bala pengajar, sebilik enggau kaban belayan semampai enggau sida. Berekat ti besai ari Petara mega deka mungkur sida awakka sida gerai, lantang sereta bepenemu maya nyaut peresa.

Selamat Hari Raya

Logo Andam Families

Ngagai bala raban Andam Families, sapa ti bisi pengelandik nengkebang logo tau nganjung ngagai bala komiti Andam Families. Bisi pemeri mimit ngagai logo ti pemadu engkeman. Beri penerang pasal logo ti diberi kita nya. Arapka kita tau meri buah penemu pasal pekara tu laban seagi kitai bedau bisi logo, kitai bedau ulih begagaka baju koprat.

Medeka Day.....

To all Andam Families........Sempena Nyambur Hari Medeka aku bc ngaga program berkhemah ba YMCA sibu kena 30.08.2010-31.08.2010

Date : 30.08.2010 - 31.08.2010
Masa datai : 1800pm ( 30.08.10)
Masa Pulai : 1800pm ( 31.08.10 )
Tempat : YMCA sibu
Bayar Masuk : RM5.00( untuk orang besai )
Bayar : RM30.00 ( Kena meli pemakai )( Satu keluarga)

Barang sapa ka enggau tau madah asuh aku.....program tok ukai tebuka asuh anadam Families aja tapi tebuka asuh semua bala ia ka ngala Andam Families...Baka Ai bisa tau mai kediri empu......kelebih agi Bear,kitai bela mai kediri ......Malam nya mega kitai bc program ga......Selamat Nyambut Hari Medeka asuh Andam Families

To All Andam Families member

Asuh semua Andam Families member....Enti kita bc ari kah ang lembau meh asuh ruai Undam Andam Blogspot au.....tok nama blogspot aku.....http//uchuandam.blogspot.com.....Arap ka kitai semua tau nyandi member ba blog aku....Heeeeee...promo blog diri empu ehheehh

Miring

Pengawa Gawai (Miring)

Miring nya sebengkah pengawa ti suah dipeda maya gawai. Mayuh kitai saru nama tuju miring, enda nemu nama perengka dikena miring sereta tusun miring. Ukai ga nemu bendar tang bekunsi sekeda penemu ari ti beratika pengawa miring ti bisi dikereja kami di ai Batang Rajang.

Nitihka sida aki (Andam ak. Singai), pengawa miring tu mayuh tuju baka kena ngelaluka pengabang ti datai (nunjukka basa), kena meri terima kasih ketegal pemayuh utai ulih ba taun ti udah, kena minta pemujur ba taun ti deka datai ba nama-nama pengawa ti deka digaga.

Kereban dikena miring iyanya telu, rendai, tumpi, asi pulut, tuak enggau telaga iya, sirih, kapu, asi amat, garam, lauk (pusu, salai tauka utai bukai), semakau, ruku (selalu iya ruku apung), sedi, ketupat enggau sungki. Nyadi pemayuh utai ti dikena kelimpah ari garam, asi amat, kapu, tuak enggau rendai iyanya mesti dalam kira ti patut nitihka ungkup piring nya. Enti piring nya piring lapan, semua utai di atasnya mesti lapan igi tauka lapan iti.

Atur miring nya dilabuhka baka kitai nerima temuai ku sida aki. Temuai datai disurungka kitai ruku, sirih, sedi, kapu, pinang enggau semakau (nandaka sida nginsap tauka makai sirih dulu). Udahnya baru ditangkanka kereban pemakai baka asi, lauk, garam. Nangkanka nya, baru miring. Tu baru ngengkahka asi pulut, tumpi, ketupat, sungki lalu ditangkanka enggau rendai sereta telu. Penudi bendar diengkahka telaga tuak sebedau diiri enggau ai tuak. Udahnya, piring tu tadi deka dibiau enggau selanjau manuk ijau. Ngena leka sampi ti chukup mayuh reti, minta pengeraja, minta berita, minta pemidik, minta pengelansik. Nutup pengawa miring tu iyanya diujakka bulu manuk di udah dichal enggau darah manuk.

Udah semuanya tembu, piring deka diengkah ba teresang.

Niti Daun

Gambar udah tembu niti daun di Sebuloh.

Niti Daun

Pengawa niti daun tu siti ari pengawa ti jarang digaga maya gawai. Mayuh nembiak kemaya hari tu enda kala meda utai tu. Iya ti ditemu sida maya gawai bisi karaoke, poco-poco enggau betanda tauka mabuk. Enda ulih nyalah sida laban nya utai ti teleba dipeda sida. Indah ba menua sebengkah-sebengkah nadai pengawa ngelaluka pengabang digaga.
Niti daun semina diatur enti bisi pengawa ti besai diintu ba sebengkah-sebengkah rumah panjai. Ba pengawa niti daun tu, sida indu enggau lelaki ngena ngepan Iban ti chukup manding dipeda.Nya ngasuh sida chukup bajik sereta sigat amat. Sida lelaki nampak sikar lalu sida indu nampak bebendang.
Nyadi pengawa niti daun tu disereta sida ti ngajat, betabuh, lelaki enggau indu sereta dikemudika siku ti ngemai tambai sereta manuk siku ditanchang sama. Sida ti niti daun deka besundang tiga kali niti rumah. Belabuh ari ruai deka mansutka diri ke tanju. Sida indu bisi megai pirin diisi enggau rendai. Rendai nya deka ditabur ba ruai enggau tanju ti dititi bala sida iya.
Bala orang ti enda enggau niti daun deka bediri ba ruai diri empu nyiburka ai tuak ngagai sida ti enggau niti daun. Taja bakanya enda ga sida ti niti daun mesti ngirup ai tuak nya. Tang mayuh sida ti bungau ketegal tuak ti disadung maya ti niti daun.

Ngagai bala ti enda kala meda gaya orang niti daun, diengkah ditu sekeda gambar niti daun.

Suasana Malam Pegada En.Andam Ak Singai ba RH Hotel

Baka tok meh gaya bala Andam Families maya malam nya.....Semua begaya seakan, seolah-olah bela enggai alah ari panggan diri,sama ada sida ka indu pia mega sida ka laki mega. Semua bajik serta sigat magang......

95Taun Pengada Andam Singai

Kena 24-07-2010 (Ari 6) ba RH Hotel, Sibu, bala Andam Families group bisi ngatur pengawa ngintu ari Pengada Andam Ak Singai tauka di kagau ke bala Aki Tinggi. Nyadi pengawa tuk di pinta ari Aki Tinggi empu lalu di serakup ka bala AJK Andam Families Group ke diketuai ka Mr. Katis Noel.

Prugrim malam nya di bepun ka jako lalau ari Tuai Pengawa ia nya Mr. Katis Noel lalu ia mega bisi mantai ka leka biau ia empu atas permintaan Aki Tinggi. Jako lalau mega ditangkan ka ari Aki Tinggi empu lalu di sempulang ka anak ia Mr. Kumbong@ Mohd Ismail.

Prugrim diterus ka ngau acara melah kek & pemberi perisin ari Andam Families enggau pemberi anak menantu ia. Malam nya mega bala diperindang penyanyi ari Andam Families empu..kelalu maioh penyanyi group tuk enda alah rintai ka nama sida...ehheheheh

Maioh prugrim di atur bala komiti malam nya, baka pekit tanda poco-poco anembiak, lucky draw, couple dance, pekit paling sporting..etc..Pengerami malam nya nangka pukul 10:30 ko jako tang...extand to 11:30.....ia nya bulih....

Enggau basa ti besai, enggau ati ti penuh pengerindu...Meri terima kasih enggau sukung tulung ari semua ruang bilik Andam Families. Arap ka semua Andam Families diau lantang senang...sertai kitai BESERAKUP, NENGKEBANG, NYULUT...

Makai Malam Gawai Dayak 2010

Kena 28.05.2010, Andam Families Group bisi ngatur Makai Malam Gawai Dayak Andam FAmilies 2010. Aktiviti ke bisi di atur malam nya baka; cabutan betuah, pekit ngepan ke pemadu manah (anembiak enggau urang besai), suprise award, pekit paling sporting & tanda poco-poco. Sekeda ari gambar ke bisi di ambi malam nya....

Speech ari Tuai Gawai - Mr. Katis Noel

Specch ari Chairman Gawai - Mrs. Jiki Layie

Bala AJK Andam Families Group

Niki ke pengabang

Indu Dara Pengelalu

Makai Malam Gawai Dayak di rasmi ka Andam Ak Singgai

ia nya Tuai Pengabang (Aki Tinggi)

Tuai Pengabang nerima tanda gawai ari Chairman Gawai

Upacara Melah Kek Pengada

Persembahan Pembukaan Ngajat Laki - Mr. Mohd Ismail

Ngajat Indu - Mrs. Jelia

Persembahan Pembukaan - Poco-poco (Enda Tau Tinggal tuk..)

Pemutus Peresa UPSR Pemadu Manah - Darren

Pemutus Peresa PMR Pemadu Manah - Welty

Pemutus Peresa SPM Pemadu Manah - Valentina

Tuai Gawai Benung Belagu

Mr. & Mrs. Mohd Ismail - Lagu Duet??

Mr. & Mrs. Tinggom Ensur - Nadai Nganti Nuan

Mr. & Mrs. Ujang Lee

Dancing Time.....

Mr. & Mrs. Ayong Andam - Penyayau ku Enda Luya

Cikgu Bintulu VS Cikgu Sibu

Guess Who????

Kasak Aja....

Salah Siko MC Malam Nya - Ms. Nis Henry

Bala Anak Laki Andam Anak Singgai + Entua Emmanuel Sulong

Kasak Indai Til...

Bala Anak-anak pan bela sama Njoyz...

Pemenang Pekit Pemanah Ngepan Anembiak Lelaki - Yus

Pemenang Pekit Pemanah Ngepan Anembiak Indu - Evi

Pemenang Pekit Ngepan Urang Besai - Mr. Baling & Mrs. Jacqueline

Lalu Ngajat Tedah.....

Suprise Award - Mr. Wuen

Penutup - Ngirup Ai Pengayu - Jam 12

ohhhhhaaaaa.......SELAMAT ARI GAWAI DAYAK, GAYU GURU GERAI NYAMAI, BULIH RINGGIT, BULIH TENGKIRA, BERANAK BETELESAK MAIOH PURIH, LANTANG SENANG NGUA MENUA.....